كل
شخص له وقت
رواق خاص ..
يروق فيه
ويجيب له شاهي
ويفتح القسم
ويمخمخ عليه
..
واوقات تجلس
غصب عنك وانت
ماودك
وكل
مشرف
له اسلوبه
الخاص
بالتعامل مع
اعضائه
وزملائه ..
وايضاً
كل مشرف له
تتنيحاته
ومواقفه ههههههههه
خلال هذي الزاوية
..
نبي نتعرف ع
مود
كل مشرف .. نضحك ع
مواقفه
نفهم اسلوبه
.. ويعرفون
الاعضاء
المشرفين عن
كثب
..
ABDUL-AZIZ
مشرف منتدى التصوير الضوئي
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
والله طواري .... اوقات امخمخ عقب الفجر مع كوب قهوة واوقات تالي
الليل اذا ما صار فيه دوام
تقريبا هالوقتين افضل الاوقات عندي.
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
الفضوة هي الي تحدد كثافة دخولي للمنتدى
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
4- ايش هو الشي اللي سويته
وتوهقت فيه .. ولا علمت احد للحين
؟
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
3- 4- 5-
والله لابد يكون فيه تخبيص شوي
....
حتى بعد فترة من تولي الاشراف لان الخيارات كثيرة شوي واحيانا ما
تنفهم بسرعة مثل دمج المواضيع ونقل الردود ... الخ.
لكن المواقف الي دايم تصير اني مثلا ابي اثبت موضوع بالغلط احط على
خيار الاقفال واضغط اوكي واطلع ما انتبهت للغلطة .... فانتبه بعد
فترة بسيطة اني راد على الموضوع وامدح فيه وقايل مثبت لكن الموضوع
عليه قفل
... لكن الحمد لله اتفادى الغلط قبل محد ينتبه
والعكس صحيح .... احيانا ارد على موضوع ابي اقفله واثبته بالغلط
6- هل انت من النوع الي
يغلب عليك الشخصنه في الردود والتعامل مع الاعضاء
؟
انا احاول قدر الامكان ان الرد يكون على الصورة فقط ... ومافيه اي
رغبة او سبب يخليني اتكلم عن الشخص نفسه.
حتى لو العضو نفسة بدا يشخصن احاول ارجع النقاش الى موضوع الصورة
والتصوير الضوئي بدون ما تدخل شخصية العضو في النقاش.
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
الاشراف متعب نوعا ما في قضية التعامل مع المواضيع خصوصا ان القسم
له طابع فني والناس لها اذواق مختلفة .
وفي مسألة التعامل مع الاعضاء انفسهم ... لان الاعضاء فيهم الواعي
وغير الواعي فيهم الي اخلاقه متميزة وفيهم الي اخلاقه ميد ان
تايوان
... التعامل مع الناس بشكل عام متعب فما بالك بالتعامل مع ناس خلف
يوزرات.
لكن ولله الحمد ما قد صار لي اي موقف سبب مشكلة لي ... احاول قدر
الامكان اتعامل معهم فيما يخص التصوير الضوئي وابعد عن الدخول في
المشاكل الشخصية.
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم
؟
هي تختلف من اعتداء لاعتداء ...... فيه اعتداء فيه سب فاحش وفيه
اعتداء اقل منه.
بشكل عام انا ما احاول اتعامل معه اصلا
... الا اذا استلزم الامر بحكم اني مشرف.
ومهوب من حقي اطلعه من القسم ومهوب على كيفي ... ما دام انه ما سوى
شي غلط ... وبالنسبة لي اذا بيني وبينه شي احاول اتعامل مع مواضيعه
مهوب مع شخصه عشان ما يصير فيه ظلم ان شاء الله.
مرقوعهـ
بتاوهـ
مشرفة منتدى eqla3-tv
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
كله تعتمد على مزاجي + نومـي
بس غالباً من اول ما اقوم اسنتر عالنت واروح اخلص كم شغله وارجع
اسير مره ثانيه
واغلب وقتي الميوزك شغال راشد + مجيد + نوال + محمد عبدهـ + اصاله
..
والباقين اسير عليهم برضه حسب المود خخخ
والشرب اكيد بيبسي او كووفي مالي غنا عنهم ابـد
يروقوني ويهدون اعصابي واركز عالقسم اكثر ’
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
طبعاً وقت مثلا برامج الواقع اجباري اني اقعد بشكل مكثـف لدرجة
احياناً كنت اكنسل طلعاتي
خصوصاً اذا كان فيه هوشه مثلاً ومحد من اللي معي موجود بس انا
خلاص اجباري انطق واتأقلم خخخ ..
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
يوووهـ لاا تذكرت اول اسبوع مب احسني سبهه احسني خوافهـ لدرجه مب
صااحيه خخ
من جد للون الاسود رهبه اول ما ياخذه الشخص
اذكر ادوات الموضوع اضغط عليها بشوووويش خايفه احوس
وكل المواضيع لاا جيت ادخلها امشي بالردود بشويش من جد سبهه قليله
علي بأول اسبوع خخخ ..
4- ايش هو الشي اللي سويته
وتوهقت فيه .. ولا علمت احد للحين ؟
لاا مافيه ولله الحمد يمكن مع الايام يصير فيه خخخ ’
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
لاا اذكر اول ما توليت الاشراف استلمت المشرفين اللي معي هذا كيف
وهذا كيف خخ
كنت خاايفه اغلط لأن البدايه صعبه مهما يكون ..
6- هل انت من النوع الي
يغلب عليك الشخصنه في الردود والتعامل مع الاعضاء
؟
لاا والله بالعكس يعني انسى خلافي معه واعامله مثل البقيه
لأن مهما يكون مصلحة قسمي فوق كل شي
ما احب اني اشوهـ منظر قسمي عشان الشخصنه
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
الاشراف شي حلوه ووممتع والله واحلى شي لاحظته بالأشراف جد اذا
تعبت على شي وتشوف نتيجة تعبك
وقتها صــدق احسني سويت شي وتعبي ماراح عالفااضي
والاشراف كسبني صداقات كثيييير والله افتخر فيها ..
وبالنسبه لي عادي روووح التعاون حلوه بين العضو والمشرف يعني
مافيها شي ..
خصوصا انه لا ننسى ان المشرف اساساً عضو فا وين المشكله بأني
اتعاون مع اعضائي ..!
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم ؟
اكيد احاول اكسبهم لان همي الاول والاخير القسم .. فما ابي اخسّر
القسم اشخاص راح يضيفون له عشان خاطر عيوني خخخ
ريــ الرياض
ـوف
مشرفة منتدى السياحة والرحلات
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
والله مالي وقت معين .. كل وقت انا اكون فاضيه فيه ادخل اشيك على
القسم .. اسوي الاشياء السريعه ( تثبيت .. فك .. دمج ..ردود سريعه
)
اما الرد على المواضيع احتاج وقت اكون فعلا ممخمخه عليها
لاني احب افصفص الموضوع واقرى وانا استمتع بكل شي فيه .. مو اداء
واجب وبس..
عشان كذا تلقوني اتاخر بردودي واحيانا مع التاجيل وزحمة المواضيع
انسى اللي مارديت عليها..ويضايقني هالشي كثير زي مايضايق بعض
الاعضاء اللي يحسبوني بهالطريقه افضل مواضيع على مواضيع واشخاص على
اشخاص..
اما وش اشرب انا مافيه شي بالدنيا يروقني ومعي دائما مثل القهوه
وبانواعها
وممكن اشرب شاي بس بكوب شفاف واشوف ورق النعناع وهو يسبح <== طقوس
وش اسمع .. ممممم
احب ابو نوره .. عبدالمجيد .. فيروز بالذات اذا صار بالصبح ..
سيمفونيات Yanni
وعندي استعداد اني اسمع لاي شي ثاني اذا كان حلو
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
طبعا اوقات الفعاليات لازم نتواجد في القسم بشكل مكثف اكثر من
الايام الباقيه .. لانها تحتاج مجهود اكبر واوقات الاعضاء يحتاجون
شي على السريع لازم يتسوى وكذا .. فنحاول نكثف مجهودنا وبعدها ناخذ
لنا اجازه بدون راتب
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
والله المواقف اللي حسيت فيها اني سبهه كثيره بالذات بداية الاشراف
.. ماتذكرها زين لكن كلها اغلاط في المهام الاشرافيه
لكن مافيه اسبه من شكلي وانا اشوف العالم تبارك لي بالاشراف وانا
مدري وش القصه
4- ايش هو الشي اللي سويته
وتوهقت فيه .. ولا علمت احد للحين ؟
مافيه غلط سويته ولاعلمت احد
لازم اعلم عشان يصلحونه
ومب اعلم وبس الا انشب
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
والله اتذكر فيه شي سويته وخبصت الدنيا .. وذكرته قبل
مره كنت بدمج موضوعين .. استفسار خارجي وموضوع الاستفسارات
الاساسي.. وماعرفت
وادمج وتصير الردود حقت موضوع الاستفسارات الرئيسي كلها في
الاستفسار الخارجي.. وادمج مره ثانيه ونفس الشي يتكرر الغلط
قلت بعدل بالعنوان..احسب ان تعديل العنوان هذا حل هههههههههه
المهم اني حست ابو من جابه
وبالاخير يوم انها حامت كبدي وتفشلت قمت حذفت الموضوعين كلهم
يعني هذا الشي اللي اتذكره..لاني جلست لي وقت وانا احاول ارقع
الغلط وماااااش كل مره اخبصها زياده
وطبعا اكيد كل العالم درت لاني حتى ماكنت اعرف كيف اخفي الموضوع
واتفاهم معه لحالي
6- هل انت من النوع الي
يغلب عليك الشخصنه في الردود والتعامل مع الاعضاء ؟
انا بطبعي ماحب اني اخلط الامور الشخصيه الخاصه باشرافي في المنتدى
.. انا مع الكل بالمنتدى..ارد على الجميع بدون محاباه .. وكلهم
عندي واحد .. ويمكن سياستي هذي واضحه للكل والكل ملاحظها وعارفها..
هذا طبعا بشكل عام
لكن فيه ردود السواليف واللي فيها ميانه وبعيد عن الرسميات..هذي
اكيد ماراح تكون مع شخص اكرهه او مااستلطفه
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
والله الاشراف بشكل عام متعب لان وقتك على النت يكون اكثر من وقتك
لما كنت عضو عادي..هذا غير انك مسؤول من كل شي بقسمك وهذا يتعب
اكثر ..
لكن تعبها حلو .. لانك تشتغل وتشوف نتيجة شغلك وتعبك على طول..
وطبعا انا مع ان الاعضاء يشاركون المشرفين بالمواضيع والتطوير
والافكار..
دائما احاول اني اسمع منهم واتقبل افكارهم واشجعهم في تنفيذها
بيوزراتهم مو بيوزراتنا كمشرفين .. لان عندي قناعه ان اي قسم قائم
دائما باعضائه قبل مشرفينه .. واذا العضو ماحس بالمسؤوليه وحس انه
شي مهم بالقسم فهو مستحيل يعطي فيه او يكمل.. واحنا نبغى قد مانقدر
اننا نكسب مو نخسر
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم
؟
انا بالقسم والا بغيره مستحيل اخلي شخص يتعدى علي.. لاني احترم
الجميع وماحب اغلط على احد وبالتالي احب ان نفس المعامله تكون
معي..
بالنسبه لكيف اتعامل معه..فحسب نوع الغلط..فيه شي يستلزم منك تصك
بكرت وفيه شي يستلزم منك مد لسانك
بس ان شاءالله اني ماحتاج لا لهذي ولا لهذي
بالنهاية اشكركم على هالزاويه وعلى اتاحة الفرصه لنا عشان نتعرف
على بعض اكثر
وكل سنه والجميع بالف خير
سام006
مشرف منتدى الهلاليين
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
- افضل وقت يكون نسبي وعلى حسب الظروف . بمعنى ان المشرف ماهو دايم
بالمود يتكدر ويفرح وينبسط ويطنقر وكله وارد , المهم تقلب المزاج
ما يأثر على عمله الاشرافي والي مطلوب منه العدل والحياد مع الجميع
اتصفح المنتدى بشكل يومي حوالي 4-7 ساعات ,,, اتفرج على كل شي
واقرا كل شي وادقق بكل شي , اتواصل مع الاعضاء بالخاص للتنبيه
والتحفيز والانذار والتشجيع والاجابه عن الاستفسارات .
وارد متى ما سمح الوقت وحسيت ان ردي بيكون اضافه للموضوع
احب الاوقات لي بعد صلاة المغرب وآخر الليل الى ساعات الفجر الاولى
, القسم خفيف والتفاعل فيه يقل نسبيا بحيث يكون مريح لي بالمتابعه
والتدقيق . وما استغني عن ترمس شاهي تلقيمه وما يتوفر عاد بسكوت
ولا فصفص ولا اي شي خفيف ينعفط
,
والاغاني ع المزاج
مرات ابونورة وهو الغالب بحكم انه فناني المفضل , وام كلثوم وراشد
ومجيد وعبادي بالمرتبه الثانيه وكل وقت وله مزاجه .
احب اكون بجو هادي جدا وبدون ازعاج حتى اركز باللي جالس اسويه ..
وغالبا ما اطفي المسن لا جيت اشتغل او احطه على ( مشغول ) .
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
طبيعي فيه اوقات تحتاج التواجد بشكل مكثف ,,, اتذكر الموسم الماضي
لما انتقل عيسى المحياني للهلال سوينا تغطيه اخباريه غير طبيعيه
ومصادر الهلاليين الحصريه والتفاعل بالموضوع كان خرافي وكنت مرابط
كني عسكري على بوابه
من الدوام للنت ومن النت للدوام بسبب التفاعل القوي ايامها والاخذ
والرد والمحارش مع الحبايب النصراويين
كان التواجد مكثف , ولا انسى يوم طلع مدرب الهلال السابق كوزمين
ومشكله ياسر القحطاني وما اثير عنه كان التفاعل قوي جدا , يعني مثل
هالاخبار القويه تحتاج الى مشرف متواجد دائما وانقطاع عن العالم
الخارجي بدون مبالغه اضافه للمباريات ورده الفعل بعدها . وما انسى
اننا بموقع هلالي ويمثل جمهور الزعيم فيه الغالبيه يعني الكل يسير
لا ادارة ولا مشرفين ولا اعضاء والحركه مستمرة والتفاعل يسر الخاطر
يعني المناسبه تفرض نفسها لتكثيف الحظور , والتواجد اليومي لا غنى
عنه .
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
هههههههههههههههههههههههههههههههههه ياكثر المواقف والله ,,, فيه
مواقف مضحكه كثير وفيه شي صالح للنشر وفيه شي لأ .
اتذكر من المواقف الي ضحكت عليها من قلب كانت ايام الموسم الماضي ,
خلصنا من الموسم ونزلنا موضوع تكريم للاعضاء الفاعلين واللي تركو
بصمه خلال مسيرة الزعيم 2008-2009
المهم شفت توقيع لوحده من العضوات تصميم فيه اسم العضوة Number
Three باقتباس من مقاله شهيرة للكاتب محمد الكثيري رحمه الله عليه
( بالمناسبه ابنه هشام عضو المركز الاعلامي بنادي الهلال عضو
بمنتدى الهلاليين )
واراسلها اعتذر بطريقه لبقه اننا ما نسيناك يا نمبر ثري بالتكريم
بس مبطي ما شفنا لك تواجد .. راسلتني العضوة وقالت انا وحده ثانيه
منب نمبر ثري هههههههههههههههههه . وانا تشابهت علي اليوزرات
وخربطت بينهم .
من المواقف برضو قبل مدة نزل واحد من الاعضاء تغطيه إقلاعيه حصريه
للمؤتمر الصحفي اللي سواه النجم الهلالي نواف التمياط بمناسبه
اعتزاله . جيت ابقيّمه راعي الموضوع وقيّمت الرد الثاني بالموضوع
لعضو مختلف هههههههههههههه اتذكر حط تقييمي توقيع وقال : مشرفنا
فاهي يا جماعه
4- ايش هو الشي اللي سويته
وتوهقت فيه .. ولا علمت احد للحين
؟
لا ياربي لك الحمد املك من الشجاعه اني اعترف لو كنت مخطي فيما لو
اخطأت واعتذر من اللي اخطيت عليه ولا اجد حرج بهالخصوص ,,,شغلات
واجد وما ودي احرج اصحابها لأنهم يستاهلون ومافيه منه ابدا .. نخدم
الهلاليين بعيونا وهو يستاهلون
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
ياكثر ما هببت
هههههههههههههه .. شي طبيعي بحكم اني جديد ايامها , لكن اعترف اني
من النوع البثر اللي ممكن يسأل 35 سؤال على نقطه وحده وماقصر اخوي
الكبير مشرفنا السابق الزير مناحي
بتعليمي كل شي ,,,, احب اتعلم الشي الجديد والصعب وراسي يابس
,,, بس الميزة اليوزر الاسود يخليك تهبب وتبربس بدون محد يدري
. اتذكر اول ايام الاشراف قاهرتني حركه نقل الردود من موضوع لموضوع
ابتعلمها كانت صعبه
. وهوبا يا كويس تحديد 10 مشاركات انقلها من الخيمه واوديها موضوع
التقديم وارجعها مرة ثانيه . كانت متعه ذيك الايام وفادتني بحق
الايام الاخيرة .
,,, مباراه الهلال والاتفاق الاخيرة بالدوري نزل واحد من الاعضاء
موضوع اهداف المباراة ونزل واحد ثاني برضو باقي التغطيه برد ,,,
وكلمت مهجه قلبي تسحيبات
تراني طالع وراي صكه بلوت
. ادمج الردين ببعض لاهنت حتى تكون تغطيه وحده برد واحد ,. الشاهد
تفركش الموضوع وخرب وصار صاحب الرد الثاني بإسمه الموضوع ودق علي
الله يذكره بالخير يقول انحاست الشغله ههههههههههههههههههههههه
. فتحت الهلاليين ورجعت كل شي لوضعه الطبيعي وطيبت خاطرهم الاثنين
راعي الموضوع الاساسي ورجعت الموضوع بيوزره والرد الثاني مكمل
التغطيه . الشاهد ان البربسه من البدايات تكسب الخبرة خصوصا بوقت
الازمات .
6- هل انت من النوع الي
يغلب عليك الشخصنه في الردود والتعامل مع الاعضاء ؟
لا ابدا .. كل رد يمثل نفسه ويمثل عقليته ,,, والرد والتعليق ان
كان النقاش يستاهل وحسيت ان بردي ممكن اضيف للنقاش . انا عضو قبل
ما اكون مشرف وطبيعي دوري 90 % مخفي كمشرف ولا يمكن اشخصن امام
الناس الا في حالات ضيقه جدا ونادرا ما استخدمها .. بحيث يكون
التوجيه بالخاص و مابقي 10 % بس منه ظاهر امام الكل , والدور
الاشرافي يسرق الوقت والتواجد كثير وما فيه احيانا وقت للمشاركه
والاستمتاع بالردود رغم انها متعه لا تضاهيها متعه
, وان حصل وقت رديت بشكل طبيعي من تعليق ع الاخبار وتحليل مباريات
والمشاركه بالنقاش ان حسيت اني ممكن اقدم اضافه والهلاليين للامانه
يناقشون كل شي وما يتركون فرصه لأحد انه يضيف معلومه والاغلبيه
عقليات نفتخر فيها . نقاش ثري وممتع واستمتع بقراءة الردود
.
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
الاشراف بشكل عام اضاف لي الكثير ,,, معرفه زملاء مشرفين تعرفت
عليهم وكانوا قمه بالذوق والادب والاخلاق , اضاف لي شغلات كثير
بضبط النفس وتعلم مهارات قياديه واداريه كثيرة استفدت منها . يسرق
الوقت كثير وحرمنا جزئيا جمعه الاهل والاحباب شوي , اسقط القناع عن
اعضاء متعشم فيهم الكثير وطاحوا من عيني بعده ورفع ايضا ناس كثير ,
تعلمت منه ان العمل الجماعي ممتع بشكل لا يوصف . وتتلمذت على يدين
مشرفين ما انسى لهم الفضل بعد الله , اخواني الزير مناحي
/ دحيم قرداحي
,
واستفدت منهم الكثير وكانوا عون بعد الله لتحمل تبعات الاشراف اللي
اعترف انها مرهقه وممتعه بنفس الوقت
احب افوّض الصلاحيات كثير , مسابقه التوقعات بالقسم يديرها مجموعه
من الاعضاء , اخبار الصحف تنزل بيوزرات الاعضاء بعد ان كانت بيوزر
اداري . المواضيع الاداريه من تهاني وتبريكات وخيمه الهلاليين
ونتائج مسابقات احرص كثير اني اشرك فيها اعضاء الهلاليين بإعدادها
... لأجل ان القسم قسم الجميع والكل بيترك بصمه فيه ويستاهل , وهي
تحفيزيه / تقديريه للجميع . وتنسيق المشرفين هو الاساس لنجاح اي
قسم . وايامي مع تسحيبات من امتع الايام واحلاها
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم ؟
لا ابدا التعامل مع الكل سواسيه ان شاء الله نحاول نكسب الجميع
ونقدّر الجميع ونرضي الجميع والكل يستاهل للامانه
, حاولت اكسب الجميع بالبدايه واقتنعت بمقوله رضا الناس غايه لا
تدركـ .. فالحمد لله اعمل بمبادئ صحيحه ابني عليها كل تعامل ومخلص
النيه بالعدل والانصاف للجميع ان اصبت فمن توفيق ربي وان اخطيت فمن
الجميع الاعتذار
شاكر لكم هالزاويه وان شاء الله كنت ضيف خفيف ع الجميع
! lolitta !
مشرفة منتدى الرسوم والتصاميم
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
مالي وقت محدد .. متى ماتوافق تواجد الجهاز + وقت فراغي
لأن جهازي موب لي لحالي
ما أسمع شيء لأنه يشتتني + ما أشرب شاهي ولا شيء لأنه قد برَد وانا
لاهية مع تصاميم الأعضاء
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
لا مافيه وقت ، لكن غالباً الساعة 12 بالليل ، أكون تفرغت من كل
شيء ، وخاصة انه الوقت الي ينهون فيه اعضاء القسم مواضيع فعاليات
الحدث ..
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
هههههههه
وش أقول وش أخلي
..يمكن بداية إشرافي سويت فعالية وكانت الجوائز عضويات ذهبية ،
بينما كانت الإدارة منعت منح العضويات الذهبية كجوائز للفعاليات
الا بعد الإتفاق مع الإدارة ,, وأنا احسب ان الي يصير مشرف يمون
على الإدارة
وأبد ضامنة العضويات بمخباتي ووعدت المشتركين بأن الي يفوز يستلم
العضوية
ويوم فازوا مصممتين كلمت المشرفين قالوا ممنوع
وانا اللي توهقتتتتت
منا ولا منا مافيييه
قمت ارسلت لواضح بعد استشارة جارتي وايدي ، قلت ياواضح ياخوي
مادريت عن النظام وانا وعدت البنات وتوهقت
قال البنات يستاهلون
، لكن ممنوعة العضويات الذهبية ، لذلك مالك الا العضوية المميزة
ياهو انقذني وكانت أجمل وأحسن من العضوية الذهبية بعيون الفائزات
4- ايش هو الشي اللي سويته
وتوهقت فيه .. ولا علمت احد للحين ؟
كنت اكتب اسمي بالكامل + الـ ID + رقم السجل المدني .. في موقع
الجامعة ، ومتعودة اني قبل ارسل شيء انسخه لأن اتصالي زفت ..
وارسلته وانرسل عادي ، رجعت للإقلاع وكتبت رد .. وبدل ما انسخه
سويت لصق بدون ما انتبه وارسلته .. بعد ساعة جيت اشيك على ردودي
اذا احد رد عليها .. واشوف
اسمي ورقم السجل المدني والآي دي
على طوووول تعديل
الي شاف شاف والي ماشاف ربي ستر
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
ايه
كنت بنقل ردود من موضوع فيه قسم التصاميم الى موضوع في قسم دروس
التصاميم.. قمت نقلت الردود ومدري كيف انفتح موضوع جديد بقسم
الدروس فيه هالردود ههههههههههههه
طالع شكل الموضوع تحفة
لكن ياحبي لها وايدي
انقذتني كالعادة ورقعت لي الموضوع الحمد لله
6- هل انت من النوع الي
يغلب عليك الشخصنه في الردود والتعامل مع الاعضاء ؟
أنا ما أكره أحد
أكره موقف أكره اسلوب لكن شخص اكرهه لا .. وهالشيء طبعاً ماراح
يأثر على تعاملي مع مواضيعه وردوده ، لكنه بيأثر على تعاملي مع
شخصه .. بالعربي اعامل الشخص الي قدامي بالمثل ، اذا هو مضبوط
انضبط معه ، واذا يلف ويدور انا افحط
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
أنا دايم أقول ان الإدارة ما اختارتني أكون مشرفة لأني افضل
المصممين أو انشطهم .. اختارتني لأن لازم تختار وبس
فـ اعضاء التصاميم هم مشرفين أنفسهم دامهم متبعين قواعد الدستور ..
سوينا فعالية وخلينا الأعضاء نفسهم يشرفون على تقييم المصممين
وتكريمهم
ماحب أسلوب انا المشرفة وانتم الأعضاء
بالعكس تجيني رسايل يقولون احذفي هالموضوع وثبتي هالموضوع واشكرهم
على هالشيء
بالنهاية هم اساتذتي بمجال القسم
والعين ماتعلى على الحاجب
رأيي بالإشراف / صح انه كرف لكنه قربني من أعضاء القسم اكثر
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم
؟
ناه ناه وجهي بالله هذا وجه يستاهل أحد يتعدى عليه ؟
قمة بالبراءة
<-- برا
أمزح .. اكيد اذا كان زعلان او متضايق من شيء أحاول أكسبه أراضيه ،
واذا يتعدى بأسلوب قليل ادب -ماقد صارت الحمد لله- لكن لو صارت ودي
اجرب اني اعطي احد كرت احمر
وش الي امنعه من القسم ، القسم موب لي عشان امنع وأحدد من يدخله
القسم لهم غصبن عني
رضيت ولا انرضيت
وأحبهم كلهم أكيد .. منها لأنهم خدموا القسم ، ومنها لأني أقدّر
المصممين
شكراً
اتمنى أكون خفيفة عليكم بأجوبتي
وسامحوني على القصور
Dr.Fantastic
مشرف محفظة الاقلاع للاسهم المحليه
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
في الغالب أفضل وقت بالنسبه لي هو من بعد صلاة العشاء او حسب وقت
الفراغ في الاوقات الثانيه .
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
بحكم ان القسم يتابع التداولات اللحظيه لسوق الاسهم بشكل يومي
احاول قدر الامكان اكون متواجد فيها من الافتتاح الى الاغلاق
لمساعدة الاعضاء في التداول .
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
لحد اليوم مافي اي موقف محرج تعاملت معاه في القسم و السبب يعود
لاني في فتره من الفترات كنت مراقب عام في احد المنتديات و امور
الاشراف عندي خلفيه عنها .
4- ايش هو الشي اللي سويته
وتوهقت فيه .. ولا علمت احد للحين ؟
الحركه اللي سويتها و توهقت فيها اني كنت مستعجل و دمجت موضوعين
بالغلط .. وكانت ردود الموضوعين مع بعض اكثر من 600 رد و بحكم ان
المنتدى يرتب المشاركات حسب التاريخ و التوقيت تلخبطت ردود
الموضوعين ..
و رجعت افرزها من جديد و اخذت مني وقت طويل عشان ترجع المواضيع مثل
ماكانت .. ومايدري عن الموضوع الا زميلي في القسم المشرف
CLِِASSiCi
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
اول ايام الاشراف كانت الامور ماشيه تمام مثل ماذكرت لك كان عندي
خلفيه عن الامور المتعلقه بالاشراف بحكم اشرافي السابق .
6- هل انت من النوع الي
يغلب عليك الشخصنه في الردود والتعامل مع الاعضاء ؟
تعاملي مع المواضيع او الردود وحده بغض النظر عن اسم او رتبة
الكاتب و يهمني ما كتب في سطور الموضوع .
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
الاشراف مسؤوليه كبيره خصوصاً في الاقسام الحساسه و يآخذ كثير من
وقت المشرف لكن في كل الاحوال يستاهلون الاعضاء كل خير .. و وجهة
نظري ان الاشراف يستحقه الشخص اللي يكون قادر يرتقي في القسم و
يقدم مواضيع يكون لها فائده للاعضاء اولاً و للقسم ثانياً ..
وبالنسبه للمشاركه في المواضيع جميع المواضيع اعتمد على نفسي في
ظهورها وما انسى طبعاً محاولة تشجيع وتحميس الاعضاء لطرح كل ماهو
مفيد و جديد في المواضيع ..
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم ؟
الاعضاء هم سبب نجاح القسم و احاول قد ما اقدر اكسبهم في مختلف
المجالات لكن ماهو على حساب القسم او شخصيتي او شخصية احد الاعضاء
ولا اتوقع ان الاعضاء في يوم من الايام ممكن يعتدون على احد سواء
مشرفين او اعضاء ولو صار الشي هذا ماراح اسمح فيه .
كل الشكر على فتح المجال لي بالمشاركه في الزاويه
بالتوفيق ..
عشق ~
مشرفة منتدى رسائل الجوال
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
ممم تقريبا لما أخلص واجباتي اليوميه :$ .. يعني من 11 ورايح
ايش اسمع ؟ - مافيه شيه محدد - مجلد الموسيقى .. تحديد الكل
وأستماع وأشرب مويه ( على فكره انا سمكه )
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
أكيد طبعا .. اوقات الفعاليات .. االسهرات - المسابقات وهيك يعني -
والفضاوه تغلب أحيانا
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
ممم مواقف مااذكر شي والله - بس يمكن كعاده اول مانمسك الاشراف
وارسال المواضيع للمميزه وكذا نخربط شوي
4- ايش هو الشي اللي سويته
وتوهقت فيه .. ولا علمت احد للحين
؟
طيب أنا ماعلمت احد ! .. تفضحوني مثلا !؟ .. ماراح اعلمكم بعد ..
بس ترا والله ماسويت شي
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
لا ما خبصت ولا هببت الحمد الله بشي
6- هل انت من النوع الي
يغلب عليك الشخصنه في الردود والتعامل مع الاعضاء ؟
تقريبا .. فيه أعضاء كانك تعرفهم من زمان وتمزح معهم بعفويه
وتلقائيه / بس فيه اعضاء اللهم ياكافي - تنصدم فيهم
لو ماصار اللي يبونه يقلبون عليك .. ولا والموضه هالايام يدعون
عليك خ خ خ !
وإيه أشتغل مع الاعضاء .. أشتغلت كثير معهم وسويت كم موضوع مع عضو
وعضوه يشرفني هالشي وهالاختيار !
وأساعد والله ما أقصر
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
حلو ومسؤوليه كبيره . . ماوصلنا لها الا بالثقه طبعاً ..
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم
؟
ابدً .. المسامح كريم .. : )
m&m's
مشرف منتدى أجهزة الوضوح العالي
1- احكي لنا عن افضل وقت
تحبه , تشيك وتمخمخ ع القسم ... وايش تسمع ؟ وايش تشرب ؟ < وجه
يقول ابو نورة وكوب شاهي
بعد العشا اغاني ابيض واسود قديمه
2- هل فيه اوقات لازم
تتواجد فيها بشكل مُكثف ؟ تعتمد ع المواسم .. ولاالصدف ولا
الفعاليات؟ ولا الفضاوه
كل يوم
3- كل مشرف له مواقفة
الخاصه .. اول تعامل له بالقسم .. اول غلط سواه ولا علم احد
اول موقف حس انه سبهه خخخخخخ احكي لنا عنها ..
كبيت عشاي بسالفه بحدى المنتديات ورطقني قرن ابليس الله يذكره
بالخير بالماصله وخذلك تهزيئ
5- اول ايام توليك الاشراف
..يوم انك ماتدري وش الطبخه هل خبصت بالقسم ؟ .. وش هببت ؟ وفيه
احد درى عنك؟
ولا شي مافيه مشاكل
6- هل انت من النوع الي
يغلب عليك الشخصنه في الردود والتعامل مع الاعضاء ؟
لحية احشمها عنك ولحية احشم نفسك عنها
7- ايش رايك في الاشراف
بشكل عام ..
وهل انت من المشرفين اللي تخلي الاعضاء يشتغلون معك ويساعدونك ..
ولا تحب تسوي كل شي مع زملائك المشرفين بس؟؟
كل حاقه ومع الجميع
8- هل لك تعامل خاص مع
الاعضاء اللي يتعدون عليك .. تطلعهم من القسم .. او تحاول تكسبهم ؟
الحمدلله ماعندي اي مشاكل مع اي احد
تسحيبات
الثنيان
رئيس قسم المنتديات الرياضية
بالنسبه للأشراف والمواقف اللي صارت لي كثييير وانا مشرف للهلاليين
ولكن منها بختصر
فيه عضو الله يستر علينا وعليه
ارسلي مره رساله يقول
تسحيبات ياخي وشفيك تحذف ردودي وليه انت مستقصدني
وكلام طول وعرض
قلت له وين الرد المحذوف قال شفه بالخيمه
وارووح امتر الخيمه ساعه كامله ادور رد له لو قديم محذوف ولا حصلته
وارجع اراسله وقلت ياغالي مالك رد محذوف بالخيمه
قالي لا آسف ردي بمنتدى ثاني موب بالهلاليين
طبعاً احرص ارد على الاستفسارات في الخاص أول بأول
ولا افوت اي رساله إلا وارد على الاعضاء
وسبب اني ارد أول بأول لانها تتراكم بشكل كبييير
مره سافرت اسبوع ورجعت حصلت فوق 20 رساله بس
لما صرت رئيس قسم أول موقف واجهني
ان بعض الاعضاء ياحبي لهم
يحسبووني سوبرمان اعرف كل شي
ف يطلبون مني اعرف من اللي مقيمه سالب
ف ارجع اقوله ترى ماقدر اطلع اللي مقيمك
يرجع يقولي داري انك ماودك تشبها
يلا شكرا ماقصرت
وكثييير مواقف والله يعطيكم العافيه
..
