|
مساكم / صبحكم .. الله
بالخير 
حي الاقلاعيين
والله
أول شي كل عام والجميع بخير بمناسبة دخول سنة
1431 هـ وجعلها
الله سنة خير علينا ونسمع فيها
أخبار تفرح وتوسع
الصدر غير 1430 اللي ابتلشنا وتوصخت آذانا بالاخبار الشينة تصدقون
حاولت اتذكر شي
يفرح وعصرت
الدمجة بسحلة وحست بالعصارة مالقيت شين ابد غير عودة سمو سيدي ولي
العهد
بالسلامة لارض الوطن سالما معافى وحمى الله بلدنا من كل شر .. والا
هالحوثيين
اللي مدري من وين طلعوا لنا اكبر هم واللي يقهر ويفقع القلب ان نفسهم
طويل مادري يحسبون انهم بياخذون دوري النقاط والا يبونها اشواط اضافية
وبلنتيات
 لكن
بواسلنا موجودين وان شالله يومهم قريب واستسلامهم اقرب بعون الله ..
واكبر هم جانا هاللي صار بجدة
الله لايبلانا ويرفع عنهم والله يجازي المتسبب شر الجزاء ع الارواح
اللي راحت نتيجة الجشع ..
الخنبقة
يالربع من الملل والفضاوة اوقات الواحد يخترع اشياء غريبة
ويبلش اهله بالبيت يقوم البيت ويقعده على جمرة وكانه مسمار جحا الغثة
يعني من الملل وخصوصا اذا الواحد عنده كمن قرش على الطاري قلت ابغير
فرش الخيمة من والى وبشتري تلفزيون اكبر من حق عزبة الهنود ذا .. وبركب
ستاير جديدة وجلسة احسن من القديمة هاللي تسببت بضيوفي وطلعت
ام البواسير
فيهم وانا اقول اللي يدخل عندي وراه مايكررها
.. المهم ابلشت اخواني معي وشغلتهم غصب عنهم ومن بيع بالحراج للتنظيف
للدوجة بالاسواق نشتري الفرش المهم وبعد شهر من الترميم وقلة الحيا
وثقالة الطينة خلصنا ولله الحمد بس المشكلة بالجلسة الجديدة من ليونتها
تجيب النوم واحس المراتب بها خميرة من التنفخ لدرجة لقيت اخوي معلق
ثيابه ع الدريشة ويقول باركولي بالعرس وقلبها غرفة نوم
..
الوكاد ان الملل اوقات يجيب فيك العيد ويخليك تدخل باحلام اليقظة وتحس
انك ملك بساعة ووزير بساعة ثانية وطالب بساعة ثالثة وفرّاش بساعة رابعه
<< ابواحلامك ياشيخ
..
المهم طقت براسي فكرة قلت بروح برحلة خارجية بالحالي وبشوف وش الحياة
وانت رايك براسك وتوجيهك بعقلك .. واجيب خريطة اطلس
<<
ياقدمك
واشوف وين اروح واحترت بين الشرق والغرب والشمال ( غالي
) والجنوب (ملاحيط
).. قلت ابغمض واللي اصبعي يختاره فالخيره فيما اختاره الله وفعلا غمضت
وبالسبابة الطويلة << اطول مافيه اصابعه
اشّرت وقمت احك بالخريطة ادور شين فيه شجر وسواحل واحترت بيني وبينكم
ومع الوقت نمت
وصحيت بعد الغطة لقيت صبعي
واقف ع الامازون
وبما اني خذيت وعد على نفسي ان صبعي يختارلي وطبعا ماقدر اخون نفسي من
القهر عاقبته وغرزته بالجمر
..
جمعت اغراضي المهمة من صروال وفنيلة
<<
ياهالصروال والفنيلة اللي معك حتى بوسط البحر
.. وكمن تكميلة رياضية ماركة الفالح ام خطين وطاقيتين ام جنيهات وفرشة
ومعجون للاسنان
<< الزم ماعلي
كرعان العنز بفمي
..
واقرب رحلة وع الامازون عرفت بعدين من الركاب والناس اللي واحدن منهم
سعودي (ماشالله علينا من شعب بكل مكان موجودين
) انا
بننزل بالبرازيل واركب شاص لقلب الامازون
المهم وارقى الطيارة وارجع ثلاث مرات من الخضخضة وادخل الحمام سبع مرات
واسرق صابونتين
.. المهم وصلت للأمازون بالحالي بعد مامشينا بشاص من قوته تسابقنا مع
تمساح وطرحناه وبعدها فقد الامل وانسدح على ظهره وحط رجل على رجل وقال
يابوووي بلا سباق بلا هم خلنا نشوفلنا شين نعرمشه قبل النومة
.. نزلني السواق الغامق اللون وتواعدت معه دور اليوم الاسبوع الجاي ..
نزلت بحوطة وهذا وجهي اول مانزلت >>
وش هالحوطة الكشخه ازين من عندنا اجل عندنا صايره مكب زبايل ومواقف
سيارات هنيا مافيه غير الشجر فارع طوله تقل عمي عزيّز (عندي عم طوله
تقل ليلة مابها عشا والجوعان مفلس وينتظر اخوه يرجع من الداوم الساعة
ثنتين
) .. قلت ياولد خلني بدخل بين هالاشجار وابدأ رحلتي اللي مدري وش اللي
جابني لها
<<
ندم الا شوي .. وفجأة من الشويات سمعت اصوات تصفير وضحك وطق طبول
واقرب من الصوت ليما وصلت عند الحيوانات مسوين دايرة وكانها حفلة
وبالوسط الاسد متحزم ويرقص
وفار جالس على كرسي مذهب ولابس تاج .. وأسأل اقرب قرد قلت ياولد بما
انك وصخ وملقوف عادتا وش العلم وراه الفار مكشخينه ولاعبين بحسبة الاسد
قال عندنا الملك الفار السادس عشر والاسد من عبيد الفار وتراه مهوب
تكانة لاتقرب منه
عمرك شفت اسد ياكل شجر
..
قلت له طيب ورا القصص والروايات تقول ان الاسد هو الملك وان كلمته سيف
والفار ملقوف ودايم ياخذ على راسه .. قالي داريين بالتضليل الاعلامي
هاللي لاعبن فيكم وكانكم مالكم عقول تفكرون والمشكلة انت واحدن منهم
وشوف عينك ولا انت مصدق يعني مامنكم فايدة مير الله يلطف بحالكم
 ..
وانا اتفرج واتحسر على حال الاسد المتخلف .. وشوي وانا سارح الا خطوات
تقرب منا وتهز الارض هز والحيوانات بدوا ينحاشون والاسد يركض وراهم
ورافعن ثوبه ويقول خذوني لاتخلوني تكفون لاتخلوني ترى ازعل عليكم
وتفقدون هزي
وماتشوف الاغبرتهم عجت بالدنيا .. والتفت يسار ابي اسال القرد الغبي
مالقيت الا شين كله شعره وضخم وخلى الدنيا بعيني سودا ..
والتفت يسار ابي اسال القرد الغبي وراهم ناحشين ليكون بركان العيص جانا
قلت خلني اشق الشعيب قبل اروح غلطة سياحة
.. مالقيت الا شين كله شعره وضخم وخلى الدنيا بعيني سودا وارفع رقبتي
ابي اشوف وشو هالجسم الضخم الحار المشعر لكن للاسف من طوله وضخامته
ماشفته .. وارجع خطوتين واشوف !! الا ماش نفس الشي واركض 300 متر ووضحت
الصورة قدامي
وياليتني جلست في بيتنا ونمت ع الحصير اهون
.. دب وش كبره وراسه تقل حبة خال بكرشة بوذي
وسره كنه كهف مأجرة على زوله ساكنين فيه .. المهم بلعت ريقي اللي مادري
وشلون قلب تين شوكي من الخوف وبقدرة قادر قلب وجهي مالح من العرق ..
المهم فتح فمه الدب وشفط الهوا بقوة (يتثاوب) لقيت نفسي متعلق بخشمه
وارفع ثوبي وانظف خشمه قلت وراك مزكم ولانت شايلن معك كلينكس
الدب
: من انت ؟
العبد الفقير المصدوم (انا)
: دقيقة خلني اكمل تنظيف مغرفة جرة الفول .. الفتحة الثانية
/ 1-2
<< اسم شارع مهوب
فتحة خشم
(الا على طاري اسماء الشوارع ورا شوارعنا عليها اسماء مدري من وين
جابوه ومن اختاره لهم دخلت مرة بقوقل ابي الاسم اعرف وشو قالي قوقل
الاخ يستهبل
)
واذا ماتعرفني انا مربوش وجايكم برحلة سياحية وياليتني غسلت مواعين
اميمتي اهون
الدب
: يعني انت انسان وطعمك حلو ويجي منك تعرمش
..
المصدوم المشلول الى الله (انا)
: لالا مانيب انسان انا حيوان راقي وحللوني الدكاتره لقوني بقايا عظام
ضربان وبعر وترى ع الطعم خخخخ حدث ولا حرج ترى كل يوم ارجع من وجهي
مرتين .. الحين انت وراك تسأل شايفن نفسك ومسوي قوي (شجاعة الخواف
)
يعني عشان ربي معطيك جسم وخشم كبير للشفط
..
الدب
: يعني انت منت خايف
اكلك والا اذبحك ..
المفلوق الى الله (انا)
: مجنون انت انا مربوش وقلبي ميت
<<
ايه هين من وين جاك الذبان فوق راسك
 ..
ضحك الدب هاهاهاها تعجبني فيك شجاعتك وودي تصير صقيقي لانهم يخافون من
شكلي ويهربون قبل اكلمهم وانت قوة قلبك بتعرفك طيبتي واني مسكين وجلس
يصيح ويقول وربي انا طيب لكن شكلي مازوجني وضخامتي مخوفة العالم مني
حتى اني دميم الخلقة
..
انا
: من بعاقل يالبحتري على
دميم الخلقة تكفى ياخليفة الجاحظ اقول انثبر واستح وخذ طرف ثوبي وامسح
دموعك وتعال احل لك مشكلتك (ليتني ماقلتله خذ طرف ثوبي .. يمسح دموعه
وانا رويسي تحت وتخضخضت من التمرجح
)
.. المهم جلست اسولف معه ونتعرف على بعض اكثر حتى بدت تطيح الميانة
بينا لدرجة الذب صار عنوان صداقتنا ..
قالي
: وراكم يابني الانسان صغار تقل فيران ..
رديت
: احنا صغار والا انت اللي ثلاث ارباع جسمك هرمونات وغدد حتى بالقصص
والتلفزيون الدببة وش زينهم وصارت عنوان لعيد الحب كل من حب يضحك على
خويته جابلها دب احمر . اجل دب احمر
..
ذب الدب
: انت ماشفت وجهك هاللي كنه قنديل البحر
..
انا
: انا قنديل البحر وش عرفك فيه ياسفينة عالم البحار ليكون بس اسمك
كولومبوس الدب بس وانا مادري .انت ووجهك تقل واحدن يطل من دريشة
.. يرحم والديك ريحنا بس .. وقطع كلامنا شين مر مسرع قلت وش ذا
قالي يعني ماعرفته ؟! قلت وشو ذا هو واحدن من اثنين يانها دجاجة ربي
منعم عليها بالصحة والا بعيرن مصخوطن عليه .. ضحك الدب هاهاها (كلاكيت
ثاني مرة) يالاثول هذي نعامة مهوب معقولة ماتعرفها
..
قلت نعامة ترفسك ياقليل الحيا اشوف بديت تغلط انت وخشمك قال : اقول
ماودك نمشي ياظلال احمد بدير ندور أكل ترى الجوع بدى يضربني .. قلت زين
يسوي فيك يالدب الداشر
.. مشينا وندوج بالغابة وانا على كتفه امرجح عصاقيلي .. الا لقينا فهد
يشابه باقيرا اللي برمزيتي حسيت الحرارة زادت وريحة الخوف طلعت من الدب
(الله يرجك يالدب على جسمك وهرمون الخوف يسبق البسملة عندك) الا الفهد
يهايط ويقول مسوي عندك ظيف على شكل ذبانة
.. كأنه يقصدني وجه المقلى .. وارد عليه مسوي سريع وتقط الذبة تركض
محدن يجيبك ترى لو مايجي من الذبات الا عصاقيلك يالخال . قال احترم
نفسك ولا تقول خال ترى وربي انهش لحمك انت وهاللخمة المتحامي فيه ..
وانا اوسوس للدب تكلم تكلم يالدب يالداشر .. والدب يقول انا مالي شغل
انت بديت انت تحمل .. هين يامكسر سوق نوال
اعلمك الشغل .. قلت للفهد ترى اقل مافيها سامري يلهيك عنا وش انت يا
ذيب الوايت .. قال انا ذيب الوايت
(والله وفهمها ابن الايه) تراك مثل ايران ماعندك غير الهياط والكلام
بالاعلام وماعندك ماعند جدتي ومافيك الا الضعوي اللي يعوي (كل هذا
والدب نحف من العرق والخوف شيب شعره هالذروق
)
.. واحنا نتلاقط بالكلام الا الفهد سكت فجأة اصصصصص المرتزقة وصلوا
والدب يقول لاحووول أكالت الجيف مايتوبون من الدعس اللي جاهم .. وانا
مادري وش السالفة تقصدون من
؟! .. وبصوت واحد !! الضباع ومن ياكل الجيف غيرهم عيال اللذينا .. الا
اكثر من خمسين ضبع واقف قدامنا ويتفاهم معهم الفهد وبدون سابق انذار
بدوا يهجمون علينا وانا متخبي واصيح بسر الدب ابوريحة (ياعليه ريحة سره
اعوذ بالله تقل الفسيخ المصري والا الجبنة الاريش)
بس الريحة ولا ظلال الحوثيين ياكلوني
وباخر عمري اروح غلطة سياحة (كلاكيت ثاني مرة )
وهم يهاجمون والدب يشوت ويدعس بالاثنين والفهد مغير معافر وجلد فيهم (بس
ياخوي مهوب بس خمسين طلعوا كثير وكل مايموت واحد طلع اثنين محله
)
.. وبعد برهة من الزمن اختفوا وانواع الجروح بالدب والفهد وانا كارهن
نفسي من ريحة سره هالمخيس
.. قلت هالحين ذيلا وش يبون قال الدب هالضباع ناسن فاضيه ومرتزقه
ومالقوا شين ياكلونه يهجمون على اقرب مايشوفونه قدامهم حتى لو ماياكلون
بس تخريب
.. قلت
تصدق يابوريحة العزيز ويالقطو الخال عندنا بالسعودية فيه ناسن يسمونهم
الحوثيين مثلهم ولاهم قويين الا بالازعاج وكثرتهم ومهوب راضيين يخلصون
على كثر الطق ماخلصوا
.. المهم بدينا حياة وكسبنا صديق جديد صرنا ثلاثي اضواء الامازون مربوش
والدب والفهد .. اخويا وراعيين ذب ووناسة ومانبي غير الاكل والنوم بأي
محل وانا من ناحيتي فراشي موجود بسر الدب
..
صرنا نتصرمح بالغابة
وبديت احس بالامان وبدا الخوف يقلب وجهه وتجيني الشجاعة (فهد ودب وش
خليت من عناصر الامان) مرينا من نهر وش كبره وفيه جسر خشب لك عليه
واحنا واقفين نتهاوش اول من يمر عليه الا فيضان ماء شال الجسر ولحقنا
من الماء طشّات خفيفة قلت وش السالفة حتى انتو عندكم جدة
.. قال الدب الله يهيده الفار السادس عشر مسلم النهر وتصريفه للسناجب
ومسوين مثل السد الخشبي وكل بعد فترة اذا زاد الضغط وخصوصا بموسم
الامطار انهار وصار مثل ماتشوف فيضان وحاق كل شي قدامه وراحوا
الحيوانات ومات من مات وعاش من عاش .. قلت لاحووول الله مثل اللي يصير
بجدة يالله شهداء عند ربهم باذن الله .. قال الفهد وش قلت
؟! لالا ولاشي نسيت انكم ماتلبسون هافات
(قول حيوانات وريحنا) .. طيب الحين نبي ناكل ياخوي وش بلاكم وانتم
ماتجوعون .. رد الدب الا نبي ناكل لكن ياخوي وش نسوي بهالفار الاجرب
حرم الغابة من نعم كثيره وحدد الاكل لكل حيوان .. طيب وش العلم الحين
مالك الا تاكل من ورق الشجر بس وبدينا ثلاثتنا ناكل من ورق الشجر بعد
ماشبعنا تحرك المخ وجتني فكرة بنت ست وستين كلب بعد ساعة صفا وتنغيف
قلت ورا مانسوي انقلاب ع الفار وناخذ حكمه دام الاسد راحين فيها ونصير
الامرين الناهين ونلعب لعبتنا .. ونكتب منشورات ونوزعها ع الحيوانات
عشان نكسب اكبر عدد من الاصوات المؤيدة ونبدا بالمظاهرات ..
الدب للفهد: اسمع اسمع ذا الثور وش يقول اي منشورات جعلي انشر صروالك
المصوفر ذا يبوبراطم ..
ضحك الفهد : انت شفت وجهه وهو يقترح ماكنه ماسكه امساك وعيونه طلعت تقل
الراهب اذا جاب قول
الدب : مربوش انت الحين براسك فيه عقل والا بقشة خط البلدة
الفهد : اي خط بلدة يرحم والديك مع فكرته تقل سوداني يركض بسباق
الضاحية
..
طبعا بعد الذب الاصلي وهالاثنين الدشير قلت سمو امروا وانا حاظر باللي
تبون لابارك الله في من جمعكم يالسلق .. خططنا بطريقة تقليدية بحتة وهي
نطمر بيت الفار بالليل وناخذه كرهينة ونهدد بقتله وعندنا البورش بسرعة
الفهد والجومس بحجم وقوة الدب
ونقضي على الحكم الفاشي للفار الوصخ وانا اسوي لي عصاة ماوكلي يمكن اهش
بها .. تسللنا بالليل وفعلا كلهم غارقين بالنوم من بعد سهرة ماجنة من
سهرات تالي الليول
ويمسك الدب الفار ويدوره الدب لين داخ وقلبت كبد العدو وربطناه بشداخة
(مصيدة فيران)
وجونا الحرس يبون يفدونه وخافو من مخلب الفهد لايشق عرقه (والله ياعليه
مخلب يخسى مقراط الاظافر يستخدم لكلش حتى نخر الخشم عند الاشارات
) .. وبدى صوت بطن الدب يقرقع من الجوع وادفه من بقايا السهرة من
المشوي يسكته شوي واكثر شطة تباسكو كوده يركد علينا هالبطن من الحرقان
.. فجأة قام الفار يضحك هاهاها
قلنا وشفيه خير ان شالله مسوي مايهمك يالوصخ
الا صوت من ورانا
هاهاها ونلتفت
الا الفار الحاكم ومعه جيشه صدق انكم اغبياء من جدكم الحين بنام بفراشي
ومافيه حراس ولا شي ترانا مراقبينك من دخلت يالمفروش (وانت تكلم زولية
)
وتحالفك مع الدب الوصخ والفهد الغبي شايفينه من البداية لوفيكم خير
ماسميتوا نفسكم ثلاثي اضواء الامازون يقالكم سمير غانم وربعه على غفلة
.. المهم الحين قدامي ع المعتقل وانت يابابا شيل هاللعبة من يدك .. قلت
ياطويل العمر انا مستعد ابوس الايادي بس تكفا خلني اروح لاهلي الشاص
جايني بكرا وودي اشوف اميمتي ولابارك الله بالسياحة واهلها انا وش اللي
طس بمخي وخلاني اسافر وش زين ابها وراي ماكليت تبن بغاباتها وزبالتها
.. قال مسكين انت تحسب دخول الحمام زي خروجه يالله قدامي
.. انسى اهلك وحكمت عليكم بالتنجيد الاجباري لصالح غابتنا وبمراقبة
لصيقة (مسكين ياظلال احمد جميل)
من الضباع
..
وهذا هو الوجه
الاخر لقصة ماوكلي فتى الادغال ..
الفتى المناضل
الغبي اللي راح غلطة
سياحة خارجية
اغبى .. قال ايش قال راضع مع الذيابة والله على هالقصة هقوتي انه راضع
مع حمار لابس فنيلة جوفينتوس
<<
وحشي
هالموضوع البسيط
مباركة خاصة
واهداء مني لشبكة الاقلاع بمناسبة مرور
10 سنوات على
التميز الاقلاعي في سماء الشبكة العنكبوتية والله يتمم عليهم هالنجاح
اكثر واكثر وباذن الله عقبال
100 سنة لعيالنا
واحفادنا ويصبح الاقلاع
الصرح الشامخ
والمرجع الاول للاجيال الاقلاعية ..
تحياتي
نشكر |مربوش
المربوش على
تقديم هذا الموضوع
|
